Banoth Madanlal:గుండెపోటుతోమాజీ ఎమ్మెల్యేమృతి

BRS పార్టీలో తీవ్ర విషాదం

హైద‌రాబాద్- సాయి సూర్య : వైరా మాజీ ఎమ్మెల్యే బానోత్ మ‌ద‌న్‌లాల్ గుండెపోటుతో ఏఐజీ ఆస్ప‌త్రిలో చికిత్స పొందుతూ మంగళవారం ఉదయంతుదిశ్వాస విడిచారు.మదన్ లాల్ మృతితో వైరా నియోజకవర్గ వ్యాప్తంగా విషాదఛాయలు నెలకొన్నాయి. 2014 అసెంబ్లీ ఎన్నిక‌ల్లో వైరా నియోజకవర్గం నుంచి వైసీపీ త‌ర‌పున ఎమ్మెల్యేగా ఎన్నిక‌య్యారు. అనంత‌రం బీఆర్‌ఎస్‌ పార్టీలో చేరారు. 2018, 2023 అసెంబ్లీ ఎన్నిక‌ల్లో బీఆర్ఎస్ నుంచి పోటీ చేసి ఓట‌మి చెందారు.ప్ర‌స్తుతం ఆయ‌న బీఆర్ఎస్ వైరా నియోజ‌క‌వ‌ర్గం ఇంచార్జిగా ఉన్నారు.గతవారం ఖమ్మంలోని ఆయన నివాసంలో వాంతులు వీరేచనాలు కావడంతో కుటుంబ సభ్యులు స్థానిక దవాఖానలో చేర్పించారు. అయితే మెరుగైన వైద్యం కోసం ఏఐజీ హాస్పిటల్‌కు తరలించిన‌ట్లు కుటుంబ స‌భ్యులు పేర్కొన్నారు.మ‌ద‌న్‌లాల్ మృతిప‌ట్ల బీఆర్ఎస్ నాయ‌కులు, కార్య‌క‌ర్త‌లు సంతాపం ప్ర‌క‌టించారు.